كيف تصنع PCB
Printed Circuit Board
طبعا كلنا عارفين ايه هي البوردة أو اللوحة الاليكترونية وفيه منها انوع كتيرة جدا وفيه كمان طرق متعددة لصناعتها
ولكل طريقة مميزات وعيوب.
طرق تصنيع PCB:
- طريقة التحميض (الطريقة البلدي)
- طريقة الأفلام الحساسة للضوء
- طريقة الراوتر والحفر CNC
اول حاجه لازم نعرفها هو ايه ال pcb …؟
و دى كلمه ولا اختصار لحاجة .. ؟
بتشتغل ازاى ..؟
بتتعمل ازاى …؟
كل دى اسئله بتدور فى دماغنا و هنحاول نعرف كل ده دلوقتى .
ال pcb دi اختصار ل printed circuit board
و هنعرف معنى الاسم من خلال طريقه عملها .. ف كمل قرايه و متزهقش….
و دى كلمه ولا اختصار لحاجة .. ؟
بتشتغل ازاى ..؟
بتتعمل ازاى …؟
كل دى اسئله بتدور فى دماغنا و هنحاول نعرف كل ده دلوقتى .
ال pcb دi اختصار ل printed circuit board
و هنعرف معنى الاسم من خلال طريقه عملها .. ف كمل قرايه و متزهقش….
بتعمل ايه بقى ال pcb …؟
بنستخدمها لما نكون عايزين نعمل مشروع الكترونى بسيط او دايرة كهربيه عموما و ممكن نعمل منها حاجه بسيطه جدا و تافهة .. و ممكن نعمل منها حاجات كبيرة و مهمة زى كارت الشاشة بتاع الكمبيوتر.
طب ايه اللى هيخلينى استخدم ال pcb عشان اعمل دايرة
ما فى كذا طريقه تانية زى ال breadboard مثلا … !!
والبريد بورد دي تقدر تعرف عنها اكتر من هنا
شرح البريد بورد
ممكن مانلاقيش فرق كبير بين ال breadboard و ال pcb بس ده فى المشاريع الصغيرة .. لكن لو عندنا مشروع كبير و جربنا نعمله بالطريقتين هتحس بالفرق .. طب ليه ؟؟؟
احنا فى ال breadboard عشان نوصل ال component بتوع الدايرة ببعضها بنعتمد على ال jumper او ال wires
ف كل ما المشروع يكبر كل ما ال component تزيد كل ما هتلاقى زحمه كتيير اوى قدامك و اسلاك متعرفش هيا جاية منين ولا رايحه فين ( زى الصور اللى تحت دى ↓) … و المشكلة الاكبر لو حصل حاجه غلط فى التوصيل .. صعب اوى تحدده او تحدد مكانه.
طب اية الميزة فى ال pcb بقى …. ؟
عشان نعرف ايه الميزة محتاجين نعرف ال pcb عبارة عن ايه و بتشتغل ازاى ..!!؟؟
ال pcb عبارة عن طبقة من عازل و فوقيها طبقة خفيفه اوى نحاس ( المسئول عن مرور التيار ) و بيبقى ليها مقاسات مختلفه حسب المشروع .
لما النحاس يبقى فى ناحية واحدة بس بيبقى اسمها single side pcb.
و كمان فى كذا نوع لل pcb زى : ال double side pcb
و كمان فى كذا نوع لل pcb زى : ال double side pcb
و دى فيها النحاس من الناحيتين .بس احنا معظم كلامنا و شغلنا على ال single side
طب دلوقتى عرفنا انها طبقة من نحاس …
ازاى هعمل المشروع بتاعى …؟؟
هنتكلم في المقال ده عن أول طريقة من طرق تصنيع ال PCB
هنتكلم في المقال ده عن أول طريقة من طرق تصنيع ال PCB
وهي طريقة التحميض او الطريقة البلدي زي ما بيسموها
وسموها بلدي لانها رخيصة ومش مكلفة ومش بتحتاج ادوات كتير عشان تشتغل فيها ده غير انك لو طلعت الدايرة غلط في الاخر مش هتخسر كتير وهتعمل غيرها بدون ما تتكلف .
هنمشى مع بعض بشوية خطوات كدة :
أول حاجه انى استخدم برنامج لرسم الدوائر زي البرنامج الشهير والشائع استخدامه proteus و اطبع ال design
بتاعى و ده لينك فيديو ازاى تحمل و تشغل البرنامج :
بس ناخد بالنا ان الورق اللى هنطبع عليه مش ورق عادى .. ده فيه منه نوعين :
- ورق كوشيه
- glossy paper أو ورق جلوسي
وخد بالك وانت بتشتريه اسمه ورق كوشيه وليس ورق كروشيه و هنعرف ليه النوعين دول بالذات دلوقتي...
بعد ما اطبع ال design هجيب قطعه ال pcb و اخليها نفس مقاس ال design . ↓
الحاجة المهمة بقى ازاى انقل ال design اللى على الورقة لل pcb ….؟؟
بكل بساطه هنستخدم مكواة …. ايوة زى ما قريت المكواة العادية بتاعت الهدوم .. بعد ما نحط الورقة على
ال pcb هنفضل نمشى المكواة عليها حوالي عشر دقايق بسلاسة وبسرعة مش ببطء عشان منحرقش
الورقة قبل ماتنزل الدايرة بتاعتنا عشان ال design يتنقل و هنمسك فوطة زى الصورة عشان بتكون
سخنة جدا.↓
و هنا تيجى اهمية ورق الجلوسي او ورق الكوشيه عشان لو كنا كوينا على ورق عادى كان اتحرق لما احط المكواة عليه … و كدة نقدر نفهم معنى printed circuit board انى بطبع ال circuit بتاعتى على طبقة من النحاس و بالتالى بتعمل عمل ال board .
بعد ما اكوى الورقه على ال pcb الورقة هتلزق فعشان كده هحطها شوية فى مايه سقعه عشان الورق يتشال و لو لسه فى حتت ورق صغيرة .. ممكن باى حاجه رفيعه او ليها سن نشيل بيها او باصابع ايديك برفق عشان منجرحش الحبر اللي طبعناه على اللوح النحاسي .
دلوقتى بقى عندنا ال pcb و المسارات اللى عايز امشى التيار فيها عليها حبر الطباعة زى كدة ↓
بس ممكن يحصل مشكلة هنا .. انى و انا بشيل الورق جزء من الحبر ميطبعش على ال pcb هعمل اية بقى فى الحالة دى …. ؟!؟! معقولة هعيد ده كله تانى ..!!
طبعا لأ .. ببساطة الحتة اللى متطبعتش هرسمها بقلم ( زى بتاع السبورة بس مبيتمسحش ) أو قلم مزيل corrector و اكنى حطيت حبر فى الحتة اللى متطبعتش و اكمل عادى…
اعمل ايi بقى عشان اشيل كل النحاس ما عدا اللى تحت الحبر …؟؟!!
هحط قطعة ال pcb فى حمض ( زى كلوريد الحديد ) و ده ممكن يتباع سائل او صلب ( لو صلب بنحط ملعقة على كوباية مايه و يبقى هوا هوا ) و بكده الحمض ده بيتفاعل مع النحاس ( اللى مش عليه حبر ) و يتشال خالص.. و بكدة يبقى عندنا الدايرة اللى عايزينها بس عليها حبر زى كده ↓
.. فعشان اشيلها بكل بساطة هستخدم سلك ( سلك مواعين عادى ) و بكده بقى عندى قطعه ال pcb و النحاس فى المسارات اللى انا عايزها بس .
بعد كده المفروض اعمل اخرام عشان احط فيها ال component بتاعتى و الحمها من الناحية التانية و عشان تخرم ال pcb ممكن نستخدم مثقاب كهربى صغير كده او فى مثقاب يدوى ( بس الكهربى احسن طبعا ) بس ناخد بالنا لو كهربى انى اخلى ايدى عمودية و اضغط بالراحه عشان البنطة متتكسرش ولا الفتحة توسع.↓
وشكلها بيكون كده ↓
اخر حاجه اننا زى ما قولنا بنحط ال component ناحية المادة العازلة اللى هيا الناحية الفاضية و بنلحم ال pins بتاعت ال component فى الناحية اللى فيها المسارات النحاس و يستحسن انى بعد ما الحم ال pins بتاعت ال component انى اقص الحتة الزيادة عشان اكمل لحام و المشروع يبقى شكله احلى . ↓
