اسرار البحث في جوجل

عشان تبحث صح في جوجل لازم تعرف الكلام ده

بما اننا مهندسين اليكترونيات و شغلنا كله معتمد على السيرش على جوجل
فلازم نعرف بقى ازاى نسيرش صح على جوجل و تطلع بافضل نتايج ممكنه

علشان كده ديجيكال جايبالك الكنز المجهول فى Google ! 😃

- كلنا بنستخدم google بشكل يومى فى اننا ندور على اللي احنا محتاجينه بس معظمنا مش عارف ان جوجل مليان أسرار فى البحث ..

- شوية أسرار بسيطه بنكتبها واحنا بندور هنوصل الى احنا محتاجينه بكل ببساطه 😀

1- السر الأول (+)
نستخدم + لما نحتاج ندور على حاجتين مع بعض
- مثال :
Computer+internet
eat + drink

2- السر التانى (-)
نستخدم - لما نحتاج ندور على كلمه معينه مرتبطه بكلمه تانيه بس احنا محتاجين الكلمه الاولى بس
- مثال :
Green - burger
كده هيدور على green بس ومش هيظهر اى حاجه عن burger

3- السر التالت ( " " )
نستخدم " " لما نحتاج ندور فى المواقع على جمله مترتبه
- مثال
" i use facebook "
كده هيدور على كل المواقع الى فيها الجمله ده بترتيب الكلام بالظبط

4- السر الرابع (OR)
نستخدم OR لما ندور على كلمتين مرتبطتين ببعض بس مش بيكونوا مع بعض
- مثال
Eat or Drink
كده هيدور على المواقع الى فيها eat ومش شرط يكون فيها drink وبرده هيدور على المواقع الى فيها drink ومش شرط يكون فيها eat

5- السر الخامس :site
بنستخدم :site لما نحتاج ندور على موضوع داخل موقع معين
- مثال
messi Site:Facebook
كده هيدورلك على كلمه messi فى موقع الفيس بوك

6- السر السادس (*)
نستخدم * لما نكون بندور وناسيين كلمه من الى احنا بندور عليه
- مثال
how to * football
كده هيدور على كل جمله فيها التلات كلمات دور واكيد هتلاقى الى انت كنت بتدور عليه

7- السر السابع +time
بنستخدم الامر ده + time لما نحتاج نعرف الوقت فى دوله معينه
- مثال
Time + England
كده هيجبلك الوقت فى انجلترا

8- السر التامن Info
بنستخدم info لما نحتاج نعرف معلومه عن موقع معين
- مثال :
Info : www.twitter
كده هيطلعلك كل المعلومات عن موقع تويتر

9- السر التاسع :filetype
بنستخدم الأمر ده لما نكون بندور على حاجة وعاوزنها تطلع فى صورة ملفات أو برنامج لتحميل
مثال:
Mechanical engineering filetype:pdf
كده هيطلع كل نتيجة البحث ملفات

متنساش تتابعنا على اليوتيوب